კანიე ვესტმა, რომლისთვისაც ალბათ ბოლო რამდენიმე კვირა გამორჩეულად რთული და ქაოსური იყო, გადაწყვიტა, ერთი თვით პორნოზე, სექსსა და საუბარზე უარი თქვას.

"30-დღიან განწმენდას ვიწყებ. ვერბალური მარხვა. არა ალკოჰოლს. არა ზრდასრულებისთვის გადაღებულ ფილმებს. არა სექსს," — დაწერა რეპერმა ტვიტერზე. "ღმერთი გვაძლიერებს. ამინ. მაგრამ ჩემი ტვიტერი მაინც ძალიან მაგარია."

ფოტო: Kanye West / Twitter

ამის დაწერიდან რამდენიმე წუთში კანიემ კიდევ გააზირა განცხადებები ტვიტერზე, მათ შორის, ერთ-ერთი იყო:

"ანტისემიტი ვერ იქნები, როცა იცი, რომ სემიტი ხარ."

კანიე ვესტის ტვიტერის ანგარიში ანტისემიტური კომენტარების გამო დაბლოკილი იყო, თუმცა მისი ანგარიში აღდგა მას შემდეგ, რაც სოციალური მედიის გიგანტი ილონ მასკმა შეიძნა $44 მილიარდად.

ვესტმა აღნიშნული განცხადება მას შემდეგ გაავრცელა ტვიტერზე, რაც NBC-იმ საზოგადოებას აცნობა, რომ კანიეს წლების განმავლობაში ჰქონდა ანტისემიტური დამოკიდებულება სამუშაო სივრცეში.

NBC-ის მიხედვით, ვესტმა ყოფილი თანამშრომლებიდან ერთ-ერთთან, რომელიც რამდენჯერმე შეესწრო, როგორ აქებდა კანიე ადოლფ ჰიტლერს და ნაცისტებს თავისი საქმიანი შეხვედრების დროს, კონტრაქტიც კი გააფორმა, რათა ეს ყველაფერი საჯაროდ არ გაჟღერებულიყო.

როგორც ცნობილია, ვესტი მსგავსი განცხადებების გაკეთებასა და აღნიშნული კონტრაქტის დადებას უარყოფს. NBC News-ის თქმით კი, მათი ჟურნალისტები ანონიმურობის დაცვით 6 ადამიანს გაესაუბრნენ, რომლებიც ამტკიცებენ, რომ მოუსმენიათ, როგორ აქებდა ვესტი ჰიტლერს სხვადასხვა დროს უკანასკნელი ხუთი წლის განმავლობაში.

აღსანიშნავია, რომ ცოტა ხნის წინ CNN-მაც გაავრცელა ინფორმაცია, რომ ვესტს 2018 წლის ალბომისთვის სურდა, "ჰიტლერი" დაერქვა, თუმცა უცნობი მიზეზის გამო ბოლოს აზრი შეიცვალა.