4-6 ნოემბერს ექსპო ჯორჯიაში თბილისის წიგნის დღეები გაიმართება. მკითხველებს კი სულაკაურის გამომცემლობა არა მხოლოდ სიახლეებით, არამედ ფასდაკლებებით, ღონისძიებებით და სხვადასხვა აქტივობით დახვდება.

სტატიაში გიზიარებთ 10 მიზეზს, თუ რატომ უნდა მოინახულოთ სულაკაურის გამომცემლობის სტენდი თბილისის წიგნის დღეებზე.

1. სიახლეები ყველაზე პატარებისთვის

თბილისის წიგნის დღეებზე ბავშვებს როგორც ახალი, ასევე, უკვე კარგად ნაცნობი გმირების ამბები დახვდებათ. პი და პო, პოპის და სემის საკითხავი ზღაპრები, გრუფალო და სხვა ამბები, ტოპო-ტიპი შიშს ამარცხებს და კიდევ ბევრი სხვა საბავშვო ილუსტრირებული წიგნი ფესტივალზე ფასდაკლებით დაგხვდებათ.

2. სიახლეები პატარა მკითხველებისთვის

მოიმარჯვეთ კალამი და ფურცელი. საბავშვო საკითხავში იმდენი სიახლეა, გირჩევთ, მოინიშნოთ, რომ თბილისის წიგნის დღეებზე არცერთი გამოგრჩეთ. პინგვინი აინშტაინი, კნუტი სახელად კნაჭა, შეუდარებელი ბატონი მელია და წრიპა ბიჭის დღიური: მოგზაურთა ედემი თქვენს სიაში აუცილებლად უნდა მოხვდეს.

3. თარგმნილი და ქართული პროზის სიახლეები

მკითხველებმა კარგად იციან, რომ თბილისის წიგნის დღეები სწორედ ის ადგილია, სადაც იმ ავტორებსა თუ რომანებს იპოვიან, რომლებსაც დიდი ხანი ელოდნენ. ამჯერად მთავარი სიახლეების სია ასე გამოიყურება: კობო აბეს სხვისი სახე, ფრანსუა ვიიონის მცირე ანდერძი, დიდი ანდერძი, ფიოდორ დოსტოევსკის იდიოტი (ახალი თარგმანი), გოგი გვახარიას ცრემლიანი სათვალე (განახლებული გამოცემა) და სხვა.

4. ბინგო!

ბინგო, თქვენ წიგნი მოიგეთ! 6 ნოემბერს, 16:30 საათზე სულაკაურის გამომცემლობა ლიტერატურულ თამაშზე გეპატიჟებათ, სადაც ის, ვინც 10 კითხვას ყველაზე სწრაფად უპასუხებს, დასაჩუქრდება. თამაშში მონაწილეობის მიღება შეუძლია ყველას, უფროსებსაც და პატარა მკითხველებსაც.

5. წიგნის პრეზენტაცია: ტრაგედიები

ლევან ბერძენიშვილის თარგმნილი ესქილეს ტრაგედიები სულ ახლახან გამოიცა. 5 ნოემბერს, 14:30 საათზე პრეზენტაცია გაიმართება, სადაც ტრაგედიებს ლევან ბერძენიშვილი და დავით პაიჭაძე წარადგენენ.

6. იპოვე გრუფალო

რა გრუფალო? რის გრუფალო? რა, არ გაგიგონია?!
მოდი სულაკაურის გამომცემლობის სტენდთან, იპოვე გრუფალოს ნებისმიერი გამოსახულება, გადაიღე ფოტო, ატვირთე ინსტაგრამზე და დათაგე @sulakauri_kids. შემთხვევითობის პრინციპით, ორი გამარჯვებული გამოვლინდება, რომლებიც სულაკაურის წიგნის მაღაზიის 100-ლარიან ვაუჩერს მიიღებენ.

7. შეუჩერებლები

თბილისის წიგნის დღეებზე მკითხველები განსაკუთრებით იუვალ ნოახ ჰარარის შეუჩერებლებს ელოდებიან. ავტორი გვიამბობს არაჩვეულებრივ ისტორიას, თუ როგორ ვიქეცით ადამიანები დედამიწის მმართველებად, როგორ აღმოჩნდა ყველა ცხოველის ბედი ჩვენს ხელში და როგორ მივიყვანეთ გადაშენებამდე ბევრი მათგანი… ილუსტრირებული წიგნი განკუთვნილია, როგორც მოზარდებისთვის, ასევე უფროსებისთვის.

8. სტიკერები, სანიშნები და ჩანთები

მკითხველებს სულაკაურის გამომცემლობის სტენდთან მათი საყვარელი წიგნების ვიზუალების მიხედვით შექმნილი სტიკერები, სანიშნები და ჩანთები დახვდებათ.

9. მრჩევლები

სტენდზე სულაკაურის გამომცემლობის თანამშრომლების გარდა, წიგნებს კიდევ 2 ადამიანი გირჩევთ. მათ ვინაობას ჯერ-ჯერობით არ გაგიმხელთ, მაგრამ იმას გეტყვით, რომ თუ ქართულ ბუქტოკს თვალს ადევნებთ, ამ ადამიანებთან შეხვედრა და მათგან რჩევების მოსმენა ნამდვილად გაგიხარდებათ.

გამოიწერე Sulakauri_publishing ტიკტოკზე

10. გაზრდილი ფასდაკლება

სულაკაურის გამომცემლობამ მკითხველებს შესაძლებლობა მისცა, თავად აერჩიათ, რომელ წიგნებზე იქნებოდა განსაკუთრებული, 40%-იანი ფასდაკლება. გამოკითხვის შედეგად კი გაზრდილი ფასდაკლების პირობები ასეთია:

• 4 ნოემბერი, 12-14 სთ.: აღმოაჩინე და შეისწავლე კოსმოსი და მზის სისტემა, ხვლიკი საფლავის ქვაზე.
• 5 ნოემბერი, 12-14 სთ. : მე და ჩემი დრაკონები, მშვენიერო სამყაროვ, სად ხარ.
• 6 ნოემბერი 12-14 სთ.: გრუფალო და სხვა ამბები, ენი გრიგეიბლიდან, 21 გაკვეთილი ოცდამეერთე საუკუნისთვის.

სულაკაურის გამომცემლობის სრული საფესტივალო კატალოგის სანახავად ეწვიეთ ბმულს. შეგახსენებთ, რომ 4-დან 6 ნოემბრის ჩათვლით თბილისის წიგნის დღეები ექსპო ჯორჯიაში გაიმართება.