თავდაცვის მინისტრმა, სერგეი შოიგუმ რუსეთის პრეზიდენტს, ვლადიმერ პუტინის ნაწილობრივი მობილიზაციის დასრულების შესახებ აცნობა.

რატომ არის მნიშვნელოვანი: ვლადიმერ პუტინმა ნაწილობრივი მობილიზაცია 21 სექტემბერს გამოაცხადა.

  • მობილიზაციის პროცესი მნიშვნელოვანი დარღვევებით მიმდინარეობდა, რაც არაერთხელ გაშუქდა მედიაში — გამოუცდელი და გამოცდილი პირები შესაბამისი მომზადების, აღჭურვილობისა და ტექნიკის გარეშე გაუშვეს ფრონტზე.
  • მობილიზაციის გამოცხადებამდე, რუსეთი უარყოფდა და ცდილობდა დაემალა, რომ უკრაინაში ფრონტის ხაზზე პრობლემები ჰქონდა და პერსონალის დიდი დანაკლისი განიცადა.

დეტალები: სერგეი შოიგუს მტკიცებით, 300 000 ადამიანის ნაწილობრივი მობილიზაციის დავალება შესრულებულია.

  • აცხადებს, რომ მობილიზებული სამხედროებიდან საწვრთნელ ზონებში რჩება 218 000, ხოლო კონფლიქტის ზონაში გაგზავნეს 82 000 სამხედრო, რომელთაგან 41 000 დანაყოფებშია განაწილებული.
  • მისივე თქმით, მობილიზებულთა საშუალო ასაკი 35 წელია.

თუმცა პუტინს არ გამოუცხადებია ნაწილობრივი მობილიზაციის დასრულება.

  • როგორც Meduza წერს, მობილიზაციის დასასრულებლად საჭიროა პუტინის შესაბამისი განკარგულება.