ჩეხეთის პარლამენტის დეპუტატთა პალატის სპიკერი მარკეტა პეკაროვა-ადამოვა მოითხოვს, შეიქმნას საერთაშორისო ტრიბუნალი უკრაინის წინააღმდეგ ჩადენილ დანაშაულებში რუსეთის მოქალაქეების პასუხისგებაში მიცემის მიზნით.

რატომ არის მნიშვნელოვანი: ჩეხეთი ამჟამად ევროკავშირის საბჭოს თავჯდომარე ქვეყანაა.

  • უკრაინაში იმედი აქვთ, რომ ჩეხეთის ინიციატივას "განსაკუთრებული წონა" ექნება.
  • უკრაინის უმაღლესი რადას თავმჯდომარემ, რუსლან სტეფანჩუკმა მადლობა გადაუხადა პეკაროვა-ადამოვას "ძლიერი გზავნილებისთვის".

დეტალები: პეკაროვა-ადამოვამ ეს ინიციატივა ყირიმის საერთაშორისო პლატფორმის პირველ საპარლამენტო სამიტზე სიტყვით გამოსვლისას გააჟღერა.

  • "მინდა გამოვიყენო ეს შესაძლებლობა, რომ შემოგთავაზოთ კონკრეტული ნაბიჯები — შეიქმნას საერთაშორისო ტრიბუნალი უკრაინის წინააღმდეგ ჩადენილი დანაშაულებისთვის, რათა აგრესორები მართლმსაჯულების წინააღმდეგ წარდგნენ."
  • მან აღნიშნა, რომ მსგავსი მართლმსაჯულების სისტემის ჩამოყალიბება პრინციპული საკითხია, რომელიც თუ ვერ განხორციელდა, ეს ძირს გამოუთხრის საერთაშორისო წესრიგს.

კონტექსტი: ჩეხეთის რესპუბლიკის საგარეო საქმეთა მინისტრმა და ამჟამინდელმა ევროკავშირის საბჭოს თავმჯდომარემ "სპეციალური საერთაშორისო ტრიბუნალის" შექმნის საჭიროებაზე ჯერ კიდევ მაშინ ისაუბრა, როცა ჩრდილო-აღმოსავლეთ უკრაინაში, იზიუმში მდებარე მასობრივი სამარხებში მშვიდობიანი მოსახლეობის წამების მტკიცებულებებს მიაკვლიეს.

  • ხარკოვის რეგიონის დეოკუპირებულ ტერიტორიებზე რამდენიმე კამერაც აღმოაჩინეს, სადაც ოკუპანტები ადგილობრივ მოსახლეობას აწამებდნენ.