ესტონეთის საგარეო საქმეთა სამინისტრომ ქვეყნიდან რუსეთის გენერალური კონსული დმიტრი კაზიონოვი და კონსული სერგეი სურგაევი ქვეყნიდან გააძევა. დიპლომატები ესტონეთში, რუსეთის საზღვართან ახლოს, ქალაქ ნარვეში მუშაობდნენ.

როგორც როიტერსი წერს, ესტონეთის საგარეო საქმეთა სამინისტრო არ განმარტავს დეტალურად, თუ რის გამო აძევებს ქვეყნიდან რუს დიპლომატებს. თავის მხრივ, რუსეთის საგარეო საქმეთა სამინისტრომ აღნიშნულს "არამეგობრული" და "უსაფუძვლო" ქმედება უწოდა, რომელიც "უპასუხოდ არ დარჩება".

ესტონეთს, რომელიც ნატოს წევრია, რუსეთთან დაძაბული ურთიერთობა აქვს. ესტონეთში რამდენიმე კვირის წინ რუსეთის მოქალაქეს შპიონაჟისთვის ხუთწლიანი პატიმრობა მიუსაჯეს.