როგორც რუსული პროპაგანდისტული მედია იუწყება, ამის შესახებ დედაქალაქის მერმა, სერგეი საბიანინმა განაცხადა.

რატომ არის მნიშვნელოვანი: პუტინმა სამხედრო მობილიზაცია რუსეთში 21 სექტემბერს გამოაცხადა, რასაც ქვეყანაში პანიკა და მოქალაქეების მასობრივი გადინება მოჰყვა.

  • ექსპერტების შეფასებით, მობილიზაცია არაეფექტური იყო — შეცდომები აღიარა ვლადიმერ პუტინმაც და მისი გამოსწორება მოითხოვა.
  • არადა, პუტინი და კრემლის პირველი პირები თვეების განმავლობაში იმეორებდნენ, რომ მობილიზაციის აუცილებლობა არ არსებობდა. ამ გადაწყვეტილებით კი გამოჩნდა, რომ რუსეთი არსებული რესურსებით უკრაინულ ძალებს ვერ უმკლავდება.
  • რუსეთის პრეზიდენტმა გადაწყვეტილების გამართლება პროპაგანდისტული ნარატივით სცადა და განაცხადა, თითქოს რუსული ჯარები არა მხოლოდ "ნეონაცისტურ ჯგუფებს", არამედ "კოლექტიურ დასავლეთს" ებრძვიან.

დეტალები: მოსკოვის მერი ირწმუნება, რომ ნაწილობრივი მობილიზაციის ამოცანები და თავდაცვის სამინისტროს დავალება სრულად შესრულდა.

  • საბიანინის თქმით, მობილიზაციის პუნქტები მოსკოვში 17 ოქტომბერს 14სთ-ზე დაიხურება.
  • შეგახსენებთ, რომ მობილიზაციის გამოცხადების შემდეგ ქვეყნის მასშტაბით არაერთი სამხედრო გაწვევის პუნქტი დაწვეს.
  • აღსანიშნია ისიც, რომ მედიებში გავრცელებული ინფორმაციით, მობილიზაციაზე უმეტესად რეგიონებში მცხოვრები ხალხი მიჰყავდათ.