ბალენსიაგამ Lay's-თან დაიწყო თანამშრომლობა და ჩიფსის შეფუთვის იდენტური ტყავის ჩანთა გამოუშვა. Lay's-ის შეფუთვის დიზაინით შექმნილი ტყავის ჩანთის ფოტო დემნამ ინსტაგრამზე გამოაქვეყნა და აღნიშნა, რომ ბალენსიაგასა და Lay's-ს შორის თანამშრომლობა იწყება.

Hypebeast-ის ინფორმაციით, Lay's-ის ჩიფსის შეფუთვით შექმნილი ჩანთები, რომლებიც სხვადასხვა ფერებშია წარმოდგენილი, სავარაუდოდ 1800 დოლარი ეღირება. მსურველები კი ჩანთების ყიდვას რამდენიმე თვეში შეძლებენ.

ბალენსიაგასთან თანამშრომლობის შესახებ ვიდეო Lay's-ის ოფიციალურმა გვერდმაც გამოაქვეყნა. ვიდეოში ბალენსიაგას მოდელებს ვხედავთ, რომლებიც ჩვენებაზე Lay's-ის შეფუთვის დიზაინით შექმნილი ტყავის ჩანთებით გამოდიან.

შეგახსენებთ, რომ ბალენსიაგამ 2022 წლის ზამთრის კოლექციის ჩვენებაზე ნაგვის პარკის შთაგონებით შექმნილი ჩანთებიც წარმოადგინა. ნაგვის პარკის შთაგონებით შექმნილი ჩანთა $1,790 ღირს. ჩანთა ტყავისაა და ცისფერ, ყვითელ, შავ და თეთრ ფერებშია ხელმისაწვდომი.