ნეტფლიქსმა უენსდეი ადამსის შესახებ გადაღებული მინისერიალის კიდევ ერთი ტრეილერი გამოუშვა. სერიალში მთავარ როლს ჯენა ორტეგა ასრულებს. ახალი ტრეილერიდან ასევე ვიგებთ, რომ სერიალში ქრისტინა რიჩისაც ვიხილავთ, რომელმაც 90-იანებში გამოსულ და უკვე კლასიკად ქცეულ ფილმში უენსდეის როლი ითამაშა. სერიალში კრისტინა რიჩი მერილინ თორნჰილს განასახიერებს.

სერიალი, სახელად Wednesday, ცნობილი ოჯახის ერთ-ერთი წევრის, უენსდეი ადამსის, ამბავს მოგვითხრობს. სერიალის სიუჟეტის მიხედვით, მორტიშა და გომეს ადამსების შვილი ნევერმორის აკადემიაში ხვდება, სადაც იგი ზებუნებრივი უნარების დაუფლებასა და თავისი ოჯახის წარსულთან დაკავშირებული მკვლელობის შემთხვევის გამოძიებას ცდილობს.

სერიალის რეჟისორი ტიმ ბარტონია, რომელსაც ჰორორის ჟანრის კლასიკად ქცეული არაერთი ფილმი ეკუთვნის. სერიალში მორტიშას კეტრინ ზეტა-ჯონსი, გომესს კი ლუის გუსმანი განასახიერებენ. ბიძია ფესტერის როლს კი ფრედ არმისენი ასრულებს.

უენსდეი ადამსზე გადაღებული 8-ეპიზოდიანი სერიალის პრემიერა 23 ნოემბერს შედგება.