ლეგენდები ვამპირების შესახებ მრავლად არსებობს. ამ საკითხს შუა საუკუნეების ეკლესიის მსახურები სერიოზულად იკვლევდნენ.

ძველ ხელნაწერებში, ვამპირიზმის შესახებ, ბევრი ინფორმაციაა მოცემული: „ეს არის ეშმაკის მირ გაცოცხლებული, საფლავიდან ამომძვრალი გვამი. ის ღამით იჭრება მძინარე ადამიანთან, გუდავს მას და სისხლს წოვს ყელიდან. მათი მსხვერპლი შემდგომში ვამპირი ხდება“.

უძველესი კულტურის მქონე ერები ამ არარეალურ არსებებზე უამრავ ისტორიას გვინახავენ. ეს ამბები ადგილობრივებში დღემდე დიდი პოპულარობით სარგებლობენ.

ამერიკულ, რუმინულ, მექსიკურ, ბერძნულ მითოლოგიებში ვამპირებსა და მაქციებზე შექმნილი მითები მრავლად შეგხვდებათ. თუმცა მათ სამშობლოდ ტრანსილვანია მიიჩნევა.

რუმინეთის ამ ისტორიულ რეგიონში მოსახლეობის ნახევარზე მეტი ეპიდემიამ იმსხვერპლა. გლეხები მიცვალებულებს მალევე მარხავდნენ. ხშირად, იმ ადამიანებს, რომლებიც კატალეფსიით იყვნენ დაავადებულნი, გარდაცვლილად მიიჩნევდნენ და შესაბამისად, მიწას აბარებდნენ. „მკვდრები“ მალევე იღვიძებდნენ და საფლავიდან ამოსვლას უშედეგოდ ცდილობდნენ.

სამარხების ქურდები და ვამპირებზე მონადირეები საფლავებს დაკრძალვიდან რამდენიმე დღეში თხრიდნენ, თუ ადმიანი ბუნებრივი სიკვდილით კვდებოდა, სხეული უცვლელი ხვდებოდათ, კატალეფსიის შემთხვევაში, გვამს პოზა შეცლილი ჰქონდა, ხოლო თუ ფრჩხილების ქვეშ და პირში სისხლის კვალსაც აღმოუჩენდნენ, ვამპირად შერაცხავდნენ. იყო შემთხვევები, როცა გაცოცხლებული ადამიანისთვისაც მიუსწრიათ, რომელსაც გულ-მკერდში სარის ჩარჭობით საბოლოოდ კლავდნენ.

ამ ყველაფრის გამო წლების განმავლობაში უამრავი მითი და ცრუწმენა დაგროვდა:

  • ვამპირები მზეზე იწვიან;
  • ვამპირებს ნივრის ეშინიათ;
  • იმისთვის რომ ვამპირი უცხო ადამიანის სახლში შევიდეს, სახლის პატრონმა მას ზღურბლზე გადაბიჯების ნება უნდა მისცეს;
  • თუ ვამპირს ნაკურთხ წყალს შეასხამ, მოკვდება.

და ა.შ.

ვამპირებისგან განსხვავებით, მაქციები სავსე მთვარის დროს იღვიძებდნენ. დღისით ადამიანებს ჰგავდნენ, თუმცა სავსე მთვარის დროს ვამპირებზე მონადირე მგლებად გადაიქცეოდნენ.

მაქციები ადამიანებისაც ერჩოდნენ, ხალხი მათგან თავდასაცავად ვერცხლის ნივთებს იყენებდნენ. ლეგენდების თანახმად, ვერცხლი მაქციებს მომაკვდინებელ ჭრილობას აყენებს.

ვამპირებისა და მაქციების დაპირისპირება საუკუნეებს ითვლის. როგორ და რატომ დაიწყო ამ არსებების ომი და როგორ გრძელდება, ამის შესახებ თავის ვერსიას გვთავაზობს ფილმების სერია სხვა სამყარო. ჩაუჯექით სისხლისმსმელებისა და მათი დაუძინებელი მტრების ეპიკურ დაპირისპირებას GDS-ზე, შაბათს, 27 მაისს.

16:30 სხვა სამყარო
19:00 სხვა სამყარო: ევოლუცია
21:00 სხვა სამყარო: ლიკანების აჯანყება
22:30 სხვა სამყარო: გამოღვიძება