ტაივანში ერთნაირ სქესიანთა ქორწინებაზე აკრძალვა მოიხსნა. ეს გადაწყვეტილება ტაივანის უზენაესმა სასამართლომ ოფიციალურად დღეს, 24 მაისს მიიღო. ინფორმაციას BBC ავრცელებს.

გადაწყვეტილების მიხედვით, არაკონსტიტუციურად ცნეს სამოქალაქო კოდექსის ის ნაწილი, რომელიც მხოლოდ საპირისპირო სქესის ადამიანებს აძლევდა ქორწინების უფლებას. ეს დოკუმენტი დასამტკიცებლად პარლამენტს გადაეგზავნება. პარლამენტში მოსალოდნელია ტრადიციონალისტთა პარტიის, ასევე, რელიგიური ჯგუფების და მშობელთა გაერთიანების მცირე წინააღმდეგობა. მიუხედავად ამისა, დიდი ალბათობით, დოკუმენტი უმრავლესობის მხარდაჭერას მარტივად მოიპოვებს და ერთნაირსქესიანი წყვილები უფლებრივად გათანაბრედიან ჰეტეროსექსუალურ წყვილებთან. მათ მიეცემათ ქორწინების და ბავშვის აყვანის უფლება.

ტაივანი ამ გადაწყვეტილებით გახდა პირველი აზიური სახელმწიფო, რომელმაც მსგავსი ნაბიჯი გადადგა. ტაივანი, ზოგადად, ცნობილია თავისი ლიბერალური ღირებულებებითა და ტოლერანტური მიდგომებით. წლების განმავლობაში, ტაივანში, საკმაოდ დიდი და ძლიერი LGBT თემი ჩამოყალიბდა, რომელიც აქტიურად ითხოვდა საკუთარი უფლებების აღიარებას. მარტში, ტაივანში აზიაში ყველაზე დიდი ლგბტ მსვლელობა გაიმართა, მასში მონაწილეობა ასობით ათასმა ადამიანმა მიიღო.