როგორც რუსული სახელმწიფო მედია რია წერს, ვლადიმერ პუტინმა უკვე მოაწერა ხელი განკარგულებას ხერსონისა და ზაროროჟიეს "დამოუკიდებელ" ტერიტორიებად გამოცხადების შესახებ.

რატომ არის მნიშვნელოვანი: უკრაინაში ე.წ. რეფერენდუმები კრემლის მარიონეტულმა ძალებმა 28 სექტემბერს ჩაატარეს.

  • პროპაგანდისტული მედია ამტკიცებდა, რომ ოკუპირებულ დონეცკში, ლუგანსკსა და ზაპოროჟიეში რუსეთთან შეერთების მომხრე 98% იყო, ხერსონში კი 97%.

დეტალები: პუტინმა განკარგულებას ხელი კრემლში დაგეგმილ ცერემონიამდე რამდენიმე საათით ადრე მოაწერა.

  • დღეს, 30 სექტემბერს პუტინი უკრაინის ოთხი ტერიტორიის ანექსიას გააფორმებს. .
  • პესკოვის თქმით, ხელშეკრულებები გაფორმდება "ოთხივე ტერიტორიასთან, რომლებმაც რეფერენდუმები ჩაატარეს და რუსულ მხარეს თხოვნით მიმართეს".
  • კრემლში ამბობენ, რომ ცერემონიის შემდეგ ვლადიმერ პუტინი სიტყვით გამოვა და მოსკოვის მიერ დანიშნულ ე.წ. ხელმძღვანელებს შეხვდება.

გამოხმაურებები: NATO-მ 23 სექტემბერს განაცხადა, რომ დონეცკის, ლუგანსკის, ზაპოროჟიესა და ხერსონის ოლქებში რუსეთს რეფერენდუმის ჩატარებას ლეგიტიმაცია არ აქვს და ეს გაეროს წესდების აშკარა დარღვევაა.

  • "რეფერენდუმები" დაგმო ევროკავშირმაც — საგარეო პოლიტიკისა და უსაფრთხოების საკითხებში ევროკავშირის უმაღლესმა კომისარმა ჯოზეფ ბორელმა განაცხადა, რომ ადამიანის უფლებების სისტემური შეურაცხყოფების ფონზე, ეს უკრაინის სუვერენიტეტისა და ტერიტორიული მთლიანობის კიდევ ერთი დარღვევაა;
  • ეს დაგმო საქართველოს საგარეო საქმეთა სამინისტრომაც — უწყებამ "რეფერენდუმებს" უკანონო, ხოლო უკრაინის ტერიტორიების ანექსიის მცდელობებს მიუღებელი უწოდა.