განათლების ცენტრის ორგანიზებითა და ესპანურ IE University-თან, ამერიკულ The Academy of Mathematics and Science-სა და ამერიკულ უნივესიტეტ The Global American University, Schiller-თან თანამშრომლობით 2022 წლის 8 ოქტომბერს 12:00-დან 17:00 საათამდე სასტუმრო რედისონ ბლუ ივერიაში გაიმართება განათლების საერთაშორისო გამოფენა, რომელიც უმასპინძლებს 20 უნივერსიტეტს 18 ქვეყნიდან.

ყველა დაინტერესებულ პირს გამოფენაზე შეეძლება მიიღოს ამომწურავი ინფორმაცია უნივერსიტეტისა და მისი პროგრამების შესახებ. მათ შეეძლებათ პირადად გაესაუბრონ უნივერსიტეტის წარმომადგენლებს და დაუსვან მათთვის საინტერესო კითხვები. გამოფენაზე ასევე იქნებიან LEAF-ის კონსულტანტები. ამერიკულ-ქართული განათლების ცენტრი LEAF არის 150-ზე მეტი უნივერსიტეტისა და საგანმანათლებლო დაწესებულების წარმომადგენელი საქართველოში.

განათლების გამოფენაში მონაწილეობის მისაღებად რეგისტრაციის გავლა შეგიძლიათ შემდეგ ბმულზე: https://logos.edu.ge/leaf/

დებრეცენის უნივერსიტეტი მდებარეობს უნგრეთში, ქალაქ დებრეცენში.

დებრეცენის უნივერსიტეტი დაარსდა 1538 წელს; იგი ყველაზე ძველი უნივერსიტეტია უნგრეთში. უნივერსიტეტში სწავლობს 30 000-მდე სტუდენტი, აქედან 4000 საერთაშორისო სტუდენტია. უნივერსიტეტი გამოირჩევა მასშტაბური საუნივერსიტეტო Campus-ით და დარგობრივი ინფრასტრუქტურით.

დებრეცენის უნივერსიტეტის ბიბლიოთეკა არის ერთ-ერთი ყველაზე დიდი ბიბლიოთეკა მთელი ქვეყნის მაშტაბით და იგი მიიჩნევა უნგრეთის ეროვნულ ბიბლიოთეკად. უნივერსიტეტის მთავარი მიმართულება არის სამედიცინო სფერო. ამ სფეროში Debrecen-ი სტუდენტებს სთავაზობს მრავალფეროვან პროგრამას. არაერთი სამედიცინო პროგრამა ისწავლება ინგლისურ ენაზე.

სამედიცინო პროგრამების გარდა, დებრეცენის უნივერსიტეტი სტუდენტებს სთავაზობს არაერთ საბაკალვრო პროგრამას;

ბაკალავრიატი

  • ბიზნესის ადმინისტრაცია და მენეჯმენტი;
  • კომპიუტერული მეცნიერებები;
  • საინჟინრო პროგრამები;
  • ჰუმანიტარულ მეცნიერებათა პროგრამები;
  • მუსიკის პროგრამები;
  • სასოფლო-სამეურნეო პროგრამა;
  • ფიზიოთერაპია.

მაგისტრატურა

  • საერთაშორისო ეკონომიკა და ბიზნესი;
  • კომპიუტერული მეცნიერება;
  • ჰიდრობილოგია – წყლის ხარისხის მენეჯმენტი;
  • ჩრდილოეთ ამერიკის სწავლება;
  • ევროპული და საერთაშორისო ბიზნეს სამართალი;
  • სასოფლო-ბიზნესის მენეჯმენტი;
  • საკვების ხარისხი;
  • სასოფლო-ინჟინერია;
  • მოლეკულური ბიოლოგია;
  • საზოგადოებრივი ჯანმრთელობა;
  • სოციალური სამუშაოები;
  • კომპლექსური რეაბილიტაცია;
  • მედიცინა;
  • სტომატოლოგია;
  • ფარმაცია.

სწავლის საფასური საბაკალავრო პროგრამებზე საშუალოდ 6 000 ხოლო სამაგისტრო პროგრამებზე კი 7 500 აშშ დოლარია. ფასი იზრდება სამედიცინო პროგრამებზე და ის საშუალოდ 16 000 აშშ დოლარს შეადგენს.

თქვენ გაქვთ შესაძლებლობა, პირადად შეხვდეთ უნივერსიტეტის წარმომადგენელს და გაესაუბროთ განათლების საერთაშორისო გამოფენაზე სასტუმრო რედისონ ბლუ ივერიაში, 8 ოქტომბერს, შუადღის 12 საათიდან საღამოს 5 საათამდე.

LEAF-ის პარტნიორია ცნობილი ბრიტანული კომპანიის QS (Quacquarelli Symonds) საუნივერსიტეტო განაცხადების პლატფორმა QS Student Apply. თანამშრომლობის ფარგლებში საზღვარგარეთ სწავლის გაგრძელების მსურველებს შესაძლებლობა ექნებათ მარტივი სააპლიკაციო პროცედურით გააგზავნონ განაცხადები დიდი ბრიტანეთის, აშშ-ს, ევროპის, ახალი ზელანდიისა და ავსტრალიის პარტნიორ პრესტიჟულ უნივერსიტეტებში.