არხ პოპულარული პოლიტიკის წამყვანმა, დმიტრი ნიზოვცევმა პუტინის პრესმდივნის შვილს სამხედრო კომისარიატის თანამშრომლის სახელით დაურეკა და უთხრა, რომ დილის 10 საათზე კომისარიატში გამოცხადებულიყო.

პასუხად, პესკოვმა თქვა, რომ მისი, როგორც "ბატონი პესკოვის" იქ ყოფნა არასწორი იქნება.

  • დაამატა, რომ ამას "სხვა დონეზე" გადაწყვეტს და ზოგადად, უნდა გაიგოს, რა ხდება და რა უფლებები აქვს.
  • პესკოვის შვილი ამტკიცებდა თითქოს, სამშობლოს დაცვის "პრობლემა არ აქვს", თუმცა მისი კომისარიატში მისვლის "მიზანშეწონილობის" გაგება სურს და აღნიშნა, რომ "პოლიტიკურ ნიუანსებს" გულისხმობს.
  • კითხვაზე, მზად არის თუ არა მოხალისედ დარეგისტრირდეს, უპასუხა, რომ არა, შედეგ კი თქვა, რომ წასასვლელად მზადაა, თუმცა, არა მათი თხოვნით.
  • "თუ ვლადიმერ ვლადიმეროვიჩი მეტყვის, რომ იქ უნდა წავიდე, წავალ".

რატომ არის მნიშვნელოვანი: მობილიზაციის გამოცხადების შემდეგ რუსეთში პანიკაა და მოქალაქეთა ნაწილი ქვეყნიდან თავის დაღწევად ცდილობს.

  • ხალხი რუსეთიდან წასვლას სხვადასხვა გზებით ცდილობს — უჩვეულო სისწრაფით იყიდება თვითმფრინავის ბილეთები, საცობებია ქვეყნის საზღვრებთან.
  • პუტინის ახალი ბრძანების შემდეგ რუსეთში საპროტესტო აქციები გაიმართა, გავრცელებულ ვიდეოებში ჩანს, რომ პოლიცია შეკრებილებს ძალის გამოყენებით აკავებს.
  • არსებული ინფორმაციით, ამ დროისთვის 1000-ზე მეტი ადამიანია დაკავებული, მათ შორის ყველაზე ბევრი მოსკოვსა და პეტერბურგში.