ახალი ამბები On.ge

ჯოზეფ ბორელი

21 Sep. 2022, 10:24

ევროკავშირი მკაცრად გმობს ამ დაგეგმილ უკანონო "რეფერენდუმებს", რომლებიც ეწინააღმდეგება უკრაინის დემოკრატიულად არჩეულ ხელისუფლებას, არღვევს უკრაინის დამოუკიდებლობას, სუვერენიტეტსა და ტერიტორიულ მთლიანობას, ასევე არღვევს საერთაშორისო სამართალს. ასეთი ქმედებების შედეგები ბათილად იქნება და არ იქნება აღიარებული ევროკავშირისა და მისი წევრი ქვეყნების მიერ

შეჭრის დაწყების დღიდან რუსეთი აშინებდა, უკანონოდ აკავებდა, აწამებდა და იტაცებდა უკრაინის მოქალაქეებს, მოსახლეობის მნიშვნელოვანი ნაწილი შემოჭრილ ტერიტორიებზე იძულებული გახდა გაქცეულიყო. კანონიერად არჩეული ადგილობრივი მოხელეები, ზოგიერთ შემთხვევაში, იძულებით შეიცვალა. ასევე მნიშვნელოვნად შეიზღუდა ხელმისაწვდომობა ინტერნეტზე, თავისუფალ და დამოუკიდებელ მედიასა და გამოხატვის თავისუფლებაზე.

ამიტომ, ეს უკანონო "ხმები" არავითარ შემთხვევაში არ შეიძლება ჩაითვალოს რუსეთის მუდმივი სამხედრო მუქარისა და დაშინების ქვეშ ამ რეგიონებში მცხოვრები ხალხის ნების თავისუფალ გამოხატულებად.

რუსეთი, მისი პოლიტიკური ხელმძღვანელობა და ყველა, ვინც მონაწილეობს ამ "რეფერენდუმებში" და უკრაინაში მომხდარ საერთაშორისო სამართლის სხვა დარღვევებში, პასუხს აგებენ და რუსეთის წინააღმდეგ დამატებითი შემზღუდველი ზომები განიხილება

ევროკავშირი ურყევი რჩება უკრაინის დამოუკიდებლობის, სუვერენიტეტისა და ტერიტორიული მთლიანობის მხარდაჭერაში და მოუწოდებს რუსეთის ფედერაციას დაუყოვნებლივ, სრულად და უპირობოდ გაიყვანოს მთელი თავისი ჯარი და სამხედრო ტექნიკა უკრაინის მთელი ტერიტორიიდან მის საერთაშორისოდ აღიარებულ საზღვრებში.

აცხადებს საგარეო პოლიტიკისა და უსაფრთხოების საკითხებში ევროკავშირის უმაღლესი კომისრის ჯოზეფ ბორელი. ცნობილი გახდა, რომ კრემლი უკრაინის ოკუპირებულ ტერიტორიებზე "რეფერენდუმების" ჩატარებას სექტემბრის ბოლოს გეგმავს.

0 0

კომენტარები

კვირის ტოპ-5

  1. ირაკლი ღარიბაშვილი: რადგან სხვა გამოსავალი აღარ მაქვს, იძულებულს მხდიან, დავიწყო ბრძოლა
  2. რა ქონებას ფლობს უკრაინის რადას დეპუტატი ლიზა იასკო? — ქონებრივ დეკლარაციას უკრაინული მედია აქვეყნებს
  3. ირაკლი ღარიბაშვილი: დღეიდან ჩემი და ჩემი ოჯახის უსაფრთხოებაზე სრული პასუხისმგებლობა ეკისრება ბიძინა ივანიშვილს და მთელ ხელისუფლებას!
  4. "მომატყუეთ და გადამაგდეთ, გამწირეთ" — რას წერს ირაკლი ღარიბაშვილი მე-3 წერილში?
  5. მამუკა ფიფია: ძალიან მალე მოსკოვიდან გაჟღერდება განცხადება "გეორგიევსკთან" დაკავშირებით

გირჩევთ

ახლა კითხულობენ

გადახედვა

How I Met Your Mother-ის მსახიობებთან ახლო ურთიერთობა აღარ მაქვს — ჯოშ რედნორი

როგორც ჩანს, How I Met Your Mother-ის მსახიობები ისეთი ახლო მეგობრები აღარ არიან, როგორც ეს ეკრანზე ჩანს. ჯოშ რედნორმა,…