ამის შესახებ ინფორმაციას უკრაინის გენერალური შტაბი ავრცელებს.

რატომ არის მნიშვნელოვანი: კიევის ოლქის ნაწილი, მათ შორის ქალაქი ბუჩა, რამდენიმე კვირის მანძილზე რუსეთის შეიარაღებული ძალების მიერ იყო ოკუპირებული.

  • ოკუპანტების გასვლის შემდეგ ქალაქში ასობით ადამიანის ცხედარი იპოვეს. ზოგიერთ მათგანს ხელები ჰქონდა შეკრული.
  • უკვე აღმოჩენილია არაერთი მასობრივი საფლავი, ნაწამები და მოკლული ადამიანებით.

დეტალები: გენშტაბით ცნობით, საუბარია ლიკვიდირებულებზე, დაჭრილებზე, დეზერტირებსა და მათზე, ვინც უარი თქვა შემდგომ ბრძოლებში მონაწილეობაზე.

  • ივლისში ომის კვლევის ინსტიტუტი აცხადებდა, რომ კრემლმა, შესაძლოა, ბუჩაში მომხდარი სისასტიკის დასაფარად ბრიგადა გაანადგურა.

მსოფლიო რუსეთის მიერ ბუჩაში ჩადენილმა ომის დანაშაულებებმა შეძრა. ქალაქის გათავისუფლების შემდეგ არაერთი ქვეყნის ლიდერი ეწვია ბუჩას და თავად ნახა ის, რაც რუსეთმა იქ ჩაიდინა.

  • აშშ-ის სახელმწიფო მდივანის თქმით, ის, რაც ვნახეთ ბუჩაში, არაა შემთხვევითი მოქმედება, ესაა მიზანმიმართული კამპანია მკვლელობის მიზნით.
  • ევროკომისიის პრეზიდენტი ურსულა ფონ დერ ლაიენი წერდა, რომ შეძრწუნებულია ბუჩაში ნანახი საშინელებებით.