ბრიფინგზე პარტიის თავმჯდომარემ, ნიკა მელიამ სტრატეგიული გეგმა წარადგინა და თქვა, რომ პოლიტიკური კრიზისის განსამუხტად ვადამდელი არჩევნების უნდა ჩაინიშნოს.

რატომ არის მნიშვნელოვანი: ნაციონალური მოძრაობისა და ოპოზიციის ლიდერები ვადამდელის აუცილებლობაზე ადრეც ხშირად საუბრობდნენ, თუმცა ბოლო პერიოდში არა.

  • ახლა მელია ამბობს, რომ დასაკარგი დრო არ არის, რადგან ქვეყნისთვის უნიკალური შესაძლებლობების ფანჯარა შეიძლება ძალიან მალე დაიხუროს.
  • მისივე თქმით, მათი ყველა ნაბიჯი, ქმედება და აქტივობა ვადამდელ არჩევნების დანიშვნისკენ იქნება მიმართული.

გეგმის მიხედვით, ვადამდელის მისაღწევად პარტია მრავალფეროვან პოლიტიკურ აქტოვობებს და სხვადასხვა სახისა და ფორმის საპროტესტო ღონისძიებებს გამართავს, თუმცა მელიას კონკრეტული თარიღი არ დაუსახელებია.

  • მისი თქმით, სტრატეგიის შემდეგი ნაწილი მოქალაქეებთან ურთიერთობაა და პარტიას ევროპული არჩევანისა დაცვისა და ვადამდელის აუცილებლობაზე უწყვეტი კომუნიკაცია ექნება.
  • მისივე თქმით, გეგმის მესამე ნაწილი უცხოელ პარტნიორებთან ინტენსიურ კომუნიკაციას გულისხმობს.

მელია ამბობს, რომ წინა წლებისგან განსხვავებით, ყველა წინაპირობა არსებობს, რათა ეს ბრძოლა გამარჯვებით დასრულდეს.

  • მისი თქმით, დღეს ევროპული იდეის ირგვლივ უპრეცედენტო საზოგადოებრივი ერთიანობაა და უცხოელი პარტნიორები საბოლოოდ ჩამოყალიბდნენ, რომ "რუსული ოცნების" პირობებში, ქვეყანამ ევროპულ გზას გადაუხვია.

ოპოზიციის ნაწილმა დღეს EU-ს რეკომენდაციების შესასრულებლად კანონპროექტი შეიმუშავა — როგორც ამბობენ, მმართველი გუნდის ნაბიჯებმა განაპირობა, რომ მათგან დამოუკიდებლად დაეწყოთ სამუშაო პროცესი.

  • მათი თქმით, ზაფხულში არასამთავრობო სექტორის ჩართულობით მოამზადეს რეკომენდაციების შესრულებისთვის საჭირო სათანადო გადაწყვეტები და საკანონმდებლო ინიციატივები თორმეტივე მიმართულებით.
  • ამბობენ, რომ დაგეგმილია ფინალური შეხვედრები დეოლიგარქიზაციის, სასამართლო, საარჩევნო და მედია საკითხების მიმართულებით, სექტემბრის ბოლომდე კი შესაბამის კანონპროექტებს დააინიცირებენ.