ამის შესახებ ინფორმაცია თავდაპირველად The Insider-მა გაავრცელა.

რატომ არის მნიშვნელოვანი: ფოტოჟურნალისტი ვასილი კრესტიანინოვი Associated Press-სთან და The Insider-თან მუშაობს.

  • თავად ფოტოჟურნალისტი ამ შემთხვევას საქართველოში არსებულ პოლიტიკურ მდგომარეობას უკავშირებს.
  • ეს პირველი შემთხვევა არ არის, როდესაც საქართველოში რუსული კრიტიკული მედიის წარმომადგენლები, ოპოზიციონერები არ შემოუშვეს.

დეტალები: კრესტიანინოვი ფორმულასთან ინტერვიუში აცხადებს, რომ საქართველოში შემოსვლაზე უკვე მეორედ უთხრეს უარი.

  • "ამ ყველაფერს ჩემს საქმიანობას ვუკავშირებ და განვიხილავ, როგორც პოლიტიკურ თვალთვალს ჩემთან მიმართებაში", — ამბობს ის.
  • მისივე თქმით, საქართველოში 11-თვიანი ცხოვრების განმავლობაში აორგანიზებდა და იღებდა მონაწილეობას აქციებში, რომელიც რუსეთის წინააღმდეგ იყო, თუმცა ქართულ პოლიტიკაში არ ჩარეულა.
  • ამასთანავე, ფოტოჟურნალისტი აცხადებს, რომ სწორედ ამ ქციების დროს სამართალდამცველები მიდიოდნენ მათთან, დოკუმენტებს სთხოვდნენ და ფოტოებს უღებდნენ.
  • "როგორც ჩანს ამ დროის განმავლობაში ინფორმაციას აგროვებდნენ ჩვენზე, რაღაც მომენტში კი აღარ შემოგვიშვეს".