"პროკურატურა აღკვეთი ღონისძიების სახით გირაოს ითხოვს". - კორცხელის ინციდენტთან დაკავშირებით 6 პირისთვის ბრალის წაყენების თაობაზე განცხადება მთავარმა პროკურორმა დღეს, 2 ივნისს მედიასთან საუბრისას განაცხადა.

შოთაძის განცხადებით, სავარაუდოდ დღეს, პროკურატურა სასამართლოს მიმართავს აღკვეთი ღონისძიების გამოყენების თაობაზე შუამდგომლობით.

"ამ საქმესთან დაკავშირებით დაიწყო სისხლის სამართლებრივი დევნა. ამ ეტაპზე გამოძიების შედეგად მოპოვებული მტკიცებულებებით, ჩვენი პოზიცია არის ის, რომ ხსენებულმა პირებმა ჩაიდინეს დანაშაული, რაც გათვალსწინებულია სისხლის სამართლის კოდექსის 239-ე მუხლის მე-2 და მე-3 ნაწილებით. რაც გულისხმობს ხულიგნობას, ჩადენილს ჯგუფურად".

შსს-ს ცნობით, კორცხელში მომხდარ ფაქტთან დაკავშირებით, 2016 წლის 1 ივნისს, ინციდენტში მონაწილე 5 პირს, ბრალი წარედგინათ საქართველოს სისხლის სამართლის კოდექსის 239-ე მუხლის მეორე ნაწილის "ა" ქვეპუნქტით, რაც წინასწარი შეთანხმებით, ჯგუფის მიერ ჩადენილ ხულიგნობას გულისხმობს.

მეექვსე პირს ბრალი წარედგინა საქართველოს 239-ე მუხლის მეორე და მესამე ნაწილებით. აღნიშნული მუხლი ასევე ხულიგნობას გულისხმობს, წინასწარი შეთანხმებით ჯგუფის მიერ, ხელისუფლების წარმომადგენლის ან ხულიგნობის აღმკვეთი სხვა პირის მიმართ ჩადენილი ცეცხლსასროლი იარაღის ან იარაღად სხვა საგნის გამოყენებით.

სამინისტრომ ზუგდიდში სოფელ კორცხელში, შუალედური არჩევნების დროს მომხდარი ინციდენტის ფაქტზე გამოძიება 2016 წლის 22 მაისს დაიწყო.