რესპუბლიკური პარტიის ყოფილ ლიდერსა და საქართველოს პარლამენტის ყოფილ თავმჯდომარეს, დავით უსუფაშვილს ეროვნულ ფორუმთან მოლაპარაკებები აქვს. ამის შესახებ On.ge-ს ეროვნული ფორუმის წევრმა, ანი მიროტაძემ განუცხადა.

"კონსულტაციებს ვადასტურებ. ამ საკითხთან დაკავშირებით ბევრად უფრო მეტ ინფორმაციას და ბევრად უფრო საინტერესოს, ვიდრე გადასვლაა მაისის ბოლოს გაიგებთ. ეროვნული ფორუმის დაშლას არ ვადასტურებ, იმიტომ რომ სხვა ფორმატია მოლაპარაკებების და თანამშრომლობის," - ამბობს მიროტაძე და დასძენს, რომ მოლაპარაკებები მიმდინარეობს საზოგადოებისთვის ცნობილ ადამიანებთანაც.

On.ge-მ სცადა დავით უსუფაშვილთან დაკავშირებაც, თუმცა, მან სატელეფონო ზარებს არ უპასუხა.

რესპუბლიკური პარტიაც და ეროვნული ფორუმიც ქართული ოცნების კოალიციაში იყო გაერთიანებული და ამ პარტიების წარმომადგენლები წინა მოწვევის პარლამენტის დეპუტატებიც იყვნენ.

ეროვნული ფორუმის შესაძლო დაშლისა და პარტიის ლიდერების დავით უსუფაშვილის პოლიტიკურ ძალასთან შეერთების შესახებ ინფორმაცია საზოგადოებრივმა მაუწყებელმა გაავრცელა.