აჭარის მთავრობის თავმჯდომარის განცხადებით, ყველაფერს გააკეთებენ, რომ "პროვოკაციები" თავიდან აიცილონ და ტურისტული სეზონი არ ჩაიშალოს.

რატომ არის მნიშვნელოვანი: დღეს კობახიძემ ბრიფინგი იმისთვის გამართა, რომ საქართველოში შემოსული რუსები დაეცვა.

  • მმართველი პარტია საქართველოში შემოსული ოკუპანტი ქვეყნის მოქალაქეების მიმართ საზოგადოების კრიტიკულ დამოკიდებულებას ქსენოფობიასა და დისკრიმინაციას უწოდებს.
  • მეტიც, კობახიძე იმაზეც საუბრობდა, რომ რუსების მიმართ ქსენოფობიური და დისკრიმინაციული მიდგომების გამო კანონს გაამკაცრებენ.

თორნიკე რიჟვაძემ განაცხადა, რომ ტურიზმი პანდემიამდელ მდგომარეობას ძალიან სწრაფად დაუბრუნდა.

  • "მე მსურს მივუსამძიმრო ჩვენს მტრებს, ვინაიდან, როგორც ეკონომიკა, ასევე, ტურიზმი ძალიან სწრაფად დაუბრუნდა პანდემიამდე არსებულ მდგომარეობას."
  • "რა თქმა უნდა, ის მიზანმიმართული კამპანია, პროპაგანდა, რაც მიმდინარეობს მიზნად ისახავს მხოლოდ ერთადერთს, რომ როგორმე მოახდინონ ჩვენი ხალხის და ჩვენი ქვეყნის მტრებმა სეზონის ჩაშლა."
  • "რა თქმა უნდა, ჩვენ ყველაფერს გავაკეთებთ, რომ ეს პროვოკაციები იყოს თავიდან აცილებული და წლევანდელი ტურისტული სეზონი იქნება ყველაზე წარმატებული, ალბათ, ისტორიაში."