დიდი ბრიტანეთის პრემიერმინისტრმა, ბორის ჯონსონმა განაცხადა, რომ ომის დაწყებისას უკრაინის პრეზიდენტი, ვოლოდიმირ ზელენსკი ისეთივე მძიმე ლიდერობის გამოცდას შეხვდა, როგორიც ჩერჩილის გამოწვევა იყო 1940 წელს.

რატომ არის მნიშვნელოვანი: ჯონსონი ზელენსკის ჩერჩილს ადარებს და ამბობს, რომ ომის დაწყებისას მისი უკრაინაში დარჩენა 1940 წელს ჩერჩილის ლონდონში დარჩენას ჰგავს.

  • მისი თქმით, ჩერჩილს აუცილებლად შეშურდებოდა და გაახარებდა ზელენსკის გადაწყვეტილებები.

ჯონსონის თქმით, გარდაუვალი არ ყოფილა მსოფლიოს მხარდაჭერა და ერთიანობა უკრაინის მიმართ, ეს სოლიდარობის გლობალური ტალღა, დიდწილად, ზელესნკის მოწოდებებით იყო გამოწვეული.

  • "შენმა დაუმორჩილებლობამ, ღირსებამ, უცვლელმა კარგმა იუმორმა მილიონობით ადამიანი შეძრა და გახდი უკრაინელი ხალხის გმირობის სიმბოლო ბარბაროსობის წინააღმდეგ".
  • "მიმართე იმდენ პარლამენტს, რომ ვეღარ ვითვლი და თემთა პალატის ორივე მხარე ფეხზე წამოაყენე, რაც ჩერჩილს აუცილებლად შეშურდებოდა."
  • "შენი ხელმძღვანელობით შთაგონებულმა, მე ვიცი არა მხოლოდ ის, რომ უკრაინას შეუძლია გაიმარჯვოს, არამედ უკრაინა გაიმარჯვებს და როცა ეს დღე დადგება, უკრაინა აღდგება და თავის ადგილს დაიკავებს, როგორც თავისუფალი სუვერენული და დამოუკიდებელი ერი".