ინფორმაცია მერის, იგორ კოლიხაევის მრჩეველმა გაავრცელა. როგორც უკრაინული მედია სუსპილნე წერს, ფაქტი რეგიონის ადმინისტრაციამაც დაადასტურა.

რატომ არის მნიშვნელოვანი: თავდასხმის შემდეგ ხერსონს რუსეთი აკონტროლებს. ქალაქში შექმნილია დე ფაქტო ადმინისტრაციაც.

  • თუმცა ხერსონის მერმა, რომელიც 5 მაისს გაათავისუფლეს ქალაქი არ დატოვა.
  • უკრაინული მედიის ინფორმაციით, 24 თებერვლიდან იგორ კოლიხაევი და მისი გუნდი, საკრებულოს შენობაში მუშაობდნენ. 25 აპრილს კი ის რუსმა სამხედროებმა შეიპყრეს.

დეტალები: კოლიხაევის მრჩეველი განმარტებით, მერი ერთ-ერთ მუნიციპალურ დაწესებულებალებაში თანამშრომლებთან მივიდა, რა დროსაც ოკუპანტებმა დააკავეს, შეამოწმეს მისი კომპიუტერი, დოკუმენტები, შემდეგ კი წაიყვანეს ავტობუსით, რომელსაც Z სიმბოლო ჰქონდა.

  • მრჩეველი ამბობს, რომ რამდენიმე დღის წინ კოლიხაევმა წერილი მიიღო ხერსონის ე.წ. მერისგან, რომელიც თანამშრომლობას სთავაზობდა, წინააღმდეგ შემთხვევაში კი დაკავებით ემუქრებოდა.
  • კოლიხაევმა ოკუპანტებთან თანამშრომლობაზე უარი თქვა.

არქივიდან: რამდენჯერმე გავრცელდა ინფორმაცია, რომ ოკუპირებულ ხერსონში რეფერენდუმის ჩატარება იგეგმება.

  • ოკუპაციის პირობებშიც კი ხერსონში ხშირად იმართებოდა ანტისაოკუპაციო აქციები, რომლებიც არაერთხელ დაარბიეს.