მოხის სადავო ნაგებობას კულტურული მემკვიდრეობის ძეგლის სტატუსი მიენიჭა. ამის შესახებ გადაწყვეტილება სპეციალურმა კომისიამ დღეს გამოაცხადა.

კომისიის თავმჯდომარემ, ზაზა ვაშაძემ განაცხადა, რომ ნაგებობა სახელმწიფო ქონების სააგენტოს საკუთრებაში გადავა, რომლის დაცვაზეც ძეგლთა დაცვის სააგენტოს დაევალება. ვაშაძის თქმითვე, მუსლიმ თემს მეჩეთის ასაშენებლად სოფელ მოხეში 1 400 მ2 მიწის ნაკვეთი გადაეცა.

მუსლიმი თემი მიიჩნევს, რომ აღნიშნული ნაგებობა მეჩეთია. პირველ დეკემბერს რელიგიის საკითხთა სახელმწიფო სააგენტოს მიერ შექმნილმა მოხის სადაო ნაგებობის წარმომავლობის დამდგენმა კომისიამ მიიღო გადაწყვეტილება, რომლის მიხედვით ე.წ. სადაო ნაგებობა კულტურის და ძეგლთა დაცვის სამინისტროს უნდა გადაეცეს.

აღნიშნული კომისია სადაო შენობის წარმომავლობის საკითხს 2 წლის განმავლობაში სწავლობდა.