ეს ნიშნავს, რომ ცალკეულ შტატს თავად ექნება უფლება გადაწყვიტოს, დაშვებული იქნება თუ არა აბორტი.

რატომ არის მნიშვნელოვანი: აბორტის აკრძალვა ქალების უფლების შეზღუდვაა. ჯანდაცვის ორგანიზაციის, Planned Parenthood-ის კვლევის მიხედვით, ამ გადაწყვეტილებით შესაძლოა, დაახლოებით, 36 მილიონმა ქალმა დაკარგოს აბორტის ხელმისაწვდომობა.

  • როგორც საერთაშორისო მედიები წერენ, მოსალოდნელია, რომ კონსერვატიული შტატები გაითვალისწინებენ სასამართლოს გადაწყვეტილებას და აბორტს აკრძალავენ, რაც ქალთა უფლებრივ მდგომარეობას გააუარესებს.

დეტალები: "რო უეიდის წინააღმდეგ" ისტორიული საქმეა, რომლის შემდეგაც 1973 წელს უზენაესმა სასამართლომ ისტორიული გადაწყვეტილება მიიღო და ქალებს აბორტის კონსტიტუციური უფლება მიენიჭათ.

  • დღეს უზენაესმა სასამართლომ სწორედ ეს გადაწყვეტილება გააუქმა.

რა ხდებოდა აქამდე: რამდენიმე კვირის წინ Politico-მ გაასაჯაროვა დოკუმენტი, რომლის მიხედვითა უზენაესი სასამართლო აპირებდა, აბორტის უფლების აკრძალვას.

  • დოკუმენტის გაჟონვის შემდეგ, ასობით მომიტინგე სასამართლოს წინ გამოვიდა და ეს გადაწყვეტილება გააპროტესტა.
  • ხოლო, სულ მცირე 16 შტატის დემოკრატიულმა გუბერნატორმა ხაზგასმით განაცხადა, რომ აბორტი ლეგალური დარჩება მათ შტატებში.