როგორც ჩანს, სამეფო კარის თამაშების ერთ-ერთ გამორჩეულ გმირს მალე კიდევ ერთხელ შევხვდებით. HBO ჯონ სნოუს შესახებ ახალი სერიალის გადაღებას გეგმავს, რომელშიც სნოუს როლს კვლავ კიტ ჰარინგტონი შეასრულებს.

სერიალში მოქმედება, სავარაუდოდ, სამეფო კარის თამაშების მოვლენების შემდეგ განვითარდება, შესაბამისად, გამორიცხული არაა, რომ სხვა პერსონაჟების ბედიც გავიგოთ და უფრო მეტიც — ისინი კიდევ ერთხელ ვიხილოთ.

ეს სამეფო კარის თამაშების სამყაროს შესახებ დაგეგმილი სერიალებიდან მხოლოდ ერთ-ერთია. აგვისტოში House of the Dragon-ს ვიხილავთ, სამომავლო პროექტებს შორისაა Tales of Dunk and Egg, 10 000 Ships, 9 Voyages, Flea Bottom და სხვ.

კიტ ჰარინგტონმა სამეფო კარის თამაშებში შესრულებული როლისთვის ემის ორი ნომინაცია მოიპოვა. სერიალის დასრულების შემდეგ მსახიობი მარველის Eternals-სა და სერიალ Modern Love-ში გამოჩნდა.

ამავე თემაზე: