ფლორიდელი 10 წლის გოგო თავდამსხმელ ალიგატორს შეებრძოლა და მისგან გათავისუფლება შეძლო. მას სამმეტრიანი ქვეწარმავალი ტბაში ბანაობისას დაესხა თავს.

10 წლის ჯულიანამ ალიგატორს პირი გააღებინა და სწორედ ამის შემდეგ შეძლო მისგან თავის დახსნა.

როგორც მან NBC-ის უთხრა, ზუსტად იცოდა რა უნდა გაეკეთებინა:

"თავდაპირველად თავში ვურტყამდი, მაგრამ ამან არ გაამართლა. უცებ გამახსენდა Gatorland-ის პარკში ნანახი ხრიკი და ნესტოებში თითები შევურჭე, ასე ის ცხვირით სუნთქვას ვეღარ შეძლებდა და პირის გაღება მოუწევდა. სწორედ ამ დროს გავითავისუფლე ფეხი".

ინციდენტი შაბათს მოხდა. ჯულიანა ჭრილობების გამო საავადმყოფოში 2 დღე დარჩა და ორშაბათს შეხვეული ფეხით შინ დაბრუნდა.