არსებული ინფორმაციით დააკავეს კაცი, რომელიც ბათუმში შეიარაღებული შეიჭრა და ბანკის დაყაჩაღება სცადა. თვითმხილველების თქმით, ის სალაროს გახსნას ითხოვდა და ჰაერში ერთხელ გაისროლა.

On.ge-ს შინაგან საქმეთა სამინისტროში განუცხადეს, რომ გამოძიება სისხლის სამართლის კოდექსის 179-ე, ყაჩაღობის მუხლით მიმდინარეობს.

გამოძიება დაწყებულია 236-ე მუხლითაც, რაც ცეცხლსასროლი იარაღის საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა/შენახვა/ტარებას გულისხმობს.