იურიდიულმა კომპანიამ, სახელად Brown Rudnick-მა, თავისი თანამშრომელი და ჯონი დეპის ადვოკატი, კამილა ვასკესი, სასამართლო პროცესის მოგებიდან ერთ კვირაში დააწინაურა. კამილა ვასკესი Brown Rudnick-ის ოფიციალური პარტნიორი გახდა, რაც ფირმის შემოსავლიდან გარკვეული პროცენტის მიღებასა და პროფესიულ საქმიანობაში მისი სტატუსის გაზრდას გულისხმობს.

ვასკესი საზოგადოებისთვის ცნობადი სახე ჯონი დეპისა და ამბერ ჰერდის ექვსკვირიანი სასამართლო პროცესის დრო გახდა, რომელიც პირდაპირ ეთერში სხვადასხვა მედიის საშუალებით გადაიცემოდა. ამბერ ჰერდის დაკითხვის დროს სწორედ ვასკესი თამაშობდა მთავარ როლს, რასაც უამრავი ადამიანი უყურებდა.

ფოტო: Getty Images

"ჯონი დეპის სასამართლო პროცესის დროს კამილას პროფესიონალიზმმა ყველას დაუმტკიცა, რომ კარიერაში მას შემდეგი ნაბიჯის გადადგმა უკვე შეუძლია", — ამბობს Brown Rudnick თავმჯდომარე. ამ ფაქტზე თავად კამილა აცხადებს, რომ ფირმის მხრიდან მისთვის სრული ნდობის გამოცხადებით მოხარულია.

კამილა ვასკესი Brown Rudnick-ს 2018 წლიდან შეუერთდა და მისი ძირითადი მიმართულება ცილისწამებასთან დაკავშირებულ საქმეებსა და სარჩელებს ეხება. Brown Rudnick-ში მისვლამდე კამილა ვასკესი კიდევ ერთ ცნობილ ამერიკულ იურიდიულ ფირმაში, სახელად Manatt, Phelps & Phillips-ში, მუშაობდა.

შეგახსენებთ, რომ ჯონი დეპმა ყოფილ ცოლს, ამბერ ჰერდს ცილისწამებისთვის უჩივლა და ზიანის ასანაზღაურებლად $50 მილიონი მოითხოვა. ჰერდმა 2018 წელს The Washington Post-ში გამოაქვეყნა ოპ-ედი, სადაც განაცხადა, რომ ოჯახში ძალადობის მსხვერპლი იყო. ამბერს ტექსტში ყოფილი ქმრის სახელი არ უხსენებია, თუმცა დეპის სარჩელში აღნიშნულია, რომ ოპ-ედი სწორედ მას ეხებოდა, რის გამოც მისი კარიერა დაზიანდა და როლები დაკარგა.

ფოტო: Getty Images

ჯონი დეპმა ამბერ ჰერდის წინააღმდეგ სასამართლო მოიგო. სასამართლოს გადაწყვეტილებით, დეპისთვის ზარალის ასანაზღაურებლად ამბერ ჰერდს $10,4 მილიონის გადახდა დააკისრა, ხოლო ჯონი დეპს ამბერ ჰერდისთვის ზარალის ასანაზღაურებლად კი $2 მილიონის გადახდა დაევალა. ამბერ ჰერდის ადვოკატი კი აცხადებს, რომ სასამართლოს გადაწყვეტილებას გაასაჩივრებს.

ასევე იხილეთ: