პოლონეთის პრემიერმინისტრის, მათეუშ მორავიეცკის განცხადებით, უკრაინისთვის იარაღის მიწოდების შესახებ ერთ-ერთ ყველაზე დიდ კონტრაქტს გააფორმებენ. მის კომენტარს უკრაინული მედია ავრცელებს.

"ახლა ჩვენ უკრაინისთვის იარაღის მიწოდებასთან დაკავშირებით ბოლო სამი ათწლეულის განმავლობაში ერთ-ერთ უდიდეს კონტრაქტს ვაწერთ ხელს. ეს იარაღები კარგად არის გამოცდილი და დღეს ვიცით, რომ ისინი ბრძოლის ველზე ძალიან მნიშვნელოვანი იქნება", — განაცხადა მან.

მედიის ცნობით, მორავიეცკის არ დაუკონკრეტებია რა ტიპის იარაღების მიწოდება ითვალისწინებს ხელშეკრულება, თუმცა აღნიშნა, რომ მისი ჯამური ღირებულება, დაახლოებით, 630 მილიონი დოლარია.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.