ლუგანსკის რეგიონული სამხედრო ადმინისტრაციის ხელმძღვანელი სერგეი გაიდაი აცხადებს, რომ სევეროდონეცკში უკრაინის პოზიციები გაუარესდა.

"ყველაზე სასტიკი ბრძოლები აქ გრძელდება. ჩვენმა მცველებმა მოახერხეს გარკვეული პერიოდით კონტრშეტევა. მათ გაათავისუფლეს ქალაქის ნახევარი. თუმცა ახლა სიტუაცია ჩვენთვის ისევ გაუარესდა", — აცხადებს გაიდაი.

მისივე თქმით, სევეროდონეცკში დარჩენილი 15 000 მშვიდობიანი მოქალაქის ევაკუაცია ინტენსიური ბრძოლების გამო შეუძლებელია.

სევეროდონეცკში ახლა მთავარი ბრძოლები მიმდინარეობს. 3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.