ლუგანსკის რეგიონული ადმინისტრაციის ხელმძღვანელის, სერგეი გაიდაის განცხადებით, უკრაინა სევეროდონეცკის ნახევარს აკონტროლებს.

"რუსები ნამდვილად აკონტროლებდნენ ქალაქის 70%-ს, თუმცა ორ დღეში უკან დაიხიეს, ახლა 50%-ს აკონტროლებენ", — თქვა მან.

გაიდაის თქმით, ოკუპანტებმა ბევრი სამხედრო დაკარგეს, რვა კი ტყვედ ჩავარდა.

სევეროდონეცკში ახლა მთავარი ბრძოლები მიმდინარეობს. 3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.