რეჟისორი თემურ ჩხეიძე 78 წლის ასაკში გარდაიცვალა. ამის შესახებ სოციალურ ქსელში კულტურის მინისტრმა, თეა წულუკიანმა დაწერა.

თემურ ჩხეიძე 1965-1967წლებში იყო ზუგდიდის დრამატული თეატრის, 1967-1970 წლებში მოზარდ მაყურებელთა ქართული თეატრის, 1970-1980 წლებში რუსთაველის თეატრის, 1980-1990 წლებში მარჯანიშვილის თეატრის რეჟისორი.

1981-1988 წლებში ის საქართველოს სატელევიზიო თეატრის სამხატვრო ხელმძღვანელი, თბილისის სახელმწიფო თეატრალური ინსტიტუტის მსახიობის ოსტატობისა და რეჟისურის პედაგოგი იყო. 1991 წლიდან გახდა სანქტ პეტერბურგის დიდი დრამატული თეატრის რეჟისორი, 2004 წლიდან მთავარი რეჟისორი, 2007-2013 წლებში კი სამხატვრო ხელმძღვანელი. რეჟისორს დადგმული აქვს 80-მდე დრამატული, საოპერო და სატელევიზიო სპექტაკლი, მათ შორის, მოზარდ მაყურებელთა თეატრში.