ლუგანსკის ოლქის სამხედრო ადმინისტრაციის ხელმძღვანელის, სერგეი გაიდაის განცხადებით, უკრაინულმა ძალებმა სევეროდონეცკში დაკარგული ტერიტორიების 20% დაიბრუნეს.

"მიუხედავად იმისა, რომ აქამდე სიტუაცია რთული იყო, რუსეთს დაახლოებით 70% ეკავა, ახლა ჩვენ ისინი უკან დავხიეთ დაახლოებით 20%-ით", — ამბობს ის.

სევეროდონეცკში ახლა მთავარი ბრძოლები მიმდინარეობს. როგორც ლუგანსკის ოლქის ადმინისტრაციის ხელმძღვანელმა, სერგეი გაიდაიმ თქვა, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.

დღეს, 3 ივნისს ვოლოდიმირ ზელენსკიმ განაცხადა, რომ უკრაინას სევეროდონეცკში გამართულ ბრძოლებში გარკვეული წარმატებები აქვს.