უკრაინაში, სევეროდონეცკთან Reuters-ის ორი ჟურნალისტი დაშავდა, მძღოლი კი დაიღუპა.

მედიის ცნობით, ფოტოგრაფი ალექსანდერ ერმოშენკო და ოპერატორი პაველ კლიმოვი პრორუსული ძალების მიერ მიწოდებული მანქანით გადაადგილდებოდნენ, რომელსაც მათივე დანიშნული მძღოლი მართავდა.

სევეროდონეცკში ახლა მთავარი ბრძოლები მიმდინარეობს. როგორც ლუგანსკის ოლქის ადმინისტრაციის ხელმძღვანელმა, სერგეი გაიდაიმ თქვა, ოკუპანტები სევეროდონეცკის 80%-ს აკონტროლებენ. მისი თქმით, გრძელდება ქუჩებში ბრძოლები.