მწარმოებელი კომპანია ლიეტუვას ბაირაქტარს უსასყიდლოდ გადასცემს მას შემდეგ, რაც ლიეტუველმა ხალხმა უკრაინისთვის უპილოტო საფრენი აპარატის შესაძენად თითქმის 6 მილიონი ევრო შეაგროვა.

"ლიეტუველმა ხალხმა ღირსეულად შეაგროვა თანხა Bayraktar TB2-ის უკრაინისთვის საყიდლად. ამის გაგების შემდეგ Bayraktar TB2-ს ლიეტუვას უსასყიდლოდ გადავცემთ და ვთხოვთ, რომ ეს თანხა უკრაინას ჰუმანიტარული დახმარებისათვის გადასცენ", — წერენ ისინი.

ეროვნული თავდაცვის მინისტრმა არვიდას ანუშაუსკასის განცხადებით, ლიეტუვამ უკრაინის არმიისთვის თურქეთთან ბაირაქტარის შესყიდვის შეთანხმება გააფორმა.

თავდაცვის მინისტრის განცხადებით, ლიეტუვის მოქალაქეებმა თითქმის 6 მილიონი ევრო სამ დღეში შეაგროვეს, რათა უკრაინის არმიისთვის საფრენი აპარატები შეეძინათ.