დონეცკის ოლქში, ბახმუტის რაიონში დაბომბვის შედეგად ამიაკმა გაჟონა. ინფორმაციას ოლქის სამხედრო ადმინისტრაციის ხელმძღვანელი, პაველ კირილენკო ავრცელებს.

"ბახმუტის რაიონში, საომარი მოქმედებების შედეგად დაზიანდა ამიაკის მილსადენის ტოლიატი-ოდესის ნაწილი. ის 2014 წლიდან არ გამოიყენება, სარქველები დაკეტილია, მაგრამ ამიაკი ახლა თავისით მოედინება. სოფელ მაისკოედან ბახმუტის მიმართულებით ნიადაგის ზემოთ ამიაკის ღრუბელი მოძრაობს", — განაცხადა მან.

მისივე თქმით, ადგილობრივმა ხელისუფლებამ უსაფრთხოების ზომების შესახებ მოსახლეობა უკვე გააფრთხილა. კირილენკო დასძენს, რომ დაშავებულებსა და დაღუპულებზე ინფორმაცია ჯერ არ ვრცელდება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.