უკრაინის საზღვარზე, ევროვიზიის კონკურსის გასაშუქებლად ჩასული, Russia Today-ის, Russian News-ისა და RIA Novosti-ის ჟურნალისტები, მათ შორის, ფოტოგრაფი რამირ სიტდიკოვი, არ შეუშვეს.

ამის შესახებ, ფეისბუქის საკუთარ გვერდზე უკრაინის შინაგან საქმეთა მინისტრის მრჩეველი, ანტონ გერაშენკო წერს:

"კიევში ევროვიზიის კონკურსის გასაშუქებლად აკრედიტებული არცერთი რუსი ჟურნალისტი, რომლებმაც ადრე სახელმწიფო საზღვარი დაარღვიეს და უკანონოდ იმყოფებოდნენ ყირიმში, ჩვენი ქვეყნის ტერიტორიაზე არ დაიშვება".

მანამდე, უკრაინამ ევროვიზიაზე რუსეთის წარმომადგენელს ქვეყანაში შესვლა სამი წლით აუკრძალა, მიზეზად კი 2014 წელს ანექსირებულ ყირიმში იულია სამოილოვას მიერ კონცერტის გამართვა დაასახელა.