ოკუპანტებმა ნოკოლაევში საცხოვრებელი კორპუსები დაბომბეს, არიან დაშავებულები. ამის შესახებ ინფორმაცია ქალაქის მერმა, ალექსანდრე სენკევიჩმა საკუთარ ტელეგრამ არხზე გაავრცელა.

მისი თქმით, დაშავებულთა შესახებ მხოლოდ წინასწარი ინფორმაცია აქვთ და დაზუსტების შემდეგ, დეტალებს გაავრცელებენ.

დღეს ბრიტანეთის თავდაცვის სამინისტროს დაზვერვამ გაავრცელა ინფორმაცია, რომ საოკუპაციო ძალებმა, სავარაუდოდ, ლიმანის დიდ ნაწილზე კონტროლი დაამყარეს. უწყება აღნიშნავს, რომ ეს, სავარაუდოდ, დონბასში შეტევის შემდეგი ეტაპისთვის სჭირდებათ.

პარალელურად, ოკუპირებული ხერსონის დე ფაქტო ადმინისტრაციამ რეგიონებთან ე.წ. საზღვრები ჩაკეტა და ამტკიცებს, რომ ეს "უსაფრთხოების მიზნით" კეთდება.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში.