მიხეილ სააკაშვილის ადვოკატის, დიმიტრი საძაგლიშვილის განცხადებით, გუშინ ექსპრეზიდენტმა გონება დაკარგა, თუმცა ექიმებმა დაუყოვნებლივი სამედიცინო დახმარება გაუწიეს. ამის შესახებ მან ჟურნალისტებთან ისაუბრა.

"მან გუშინ გვიან ღამით დაკარგა გონება, თუმცა ექიმების დაუყოვნებლივი ჩარევის შედეგად ეს პრობლემა აღმოიფხვრა, რისთვისაც დიდად მადლობელია სამედიცინო პერსონალის მიმართ, რომ ასე მყისიერად იქნა სამედიცინო დახმარება მისთვის აღმოჩენილი და წარმოდგენაც არ გვინდა, თუ რა შედეგი შეიძლება დამგარიყო, თუკი ეს მოხდებოდა მე-12 პენიტენციურ დაწესებულებაში", — აღნიშნა საძაგლიშვილმა.

24 მაისს სააკაშვილმა დაწერა, რომ კვლევით ხერხემალზე ტრავმა დაუდგინდა. მისი შეფასებით, ეს დაზიანება გლდანში ძალის გამოყენებით გადაყვანისას მიიღო. სააკაშვილი თქმით, ზურგის არეში ძლიერი ტკივილები აქვს.

სააკაშვილი ამ დროისთვის ვივამედში იმყოფება, ოჯახი მის საზღვარგარეთ გადაყვანას ითხოვს. ასევე ადვოკატები ამბობენ, რომ ელოდებიან ექსპერტების დაშვება. გუშინ, 24 აისს კლინიკა ვივამედმა ექსპრეზიდენტ მიხეილ სააკაშვილის ჯანმრთელობის შესახებ განცხადება გამოაქვეყნა, რომელშიც ნათქვამია, რომ სტაციონარში ყოფნის პერიოდში, მისი ჯანმრთელობის მდგომარეობა არ გაუარესებულა.