თბილის მერის კახა კალაძის განცხადებით, მელიქიშვილის სარეაბილიტაციო სამუშაოები მელიქიშვილის რეაბილიტაცია 15 ივნისს დაიწყება. რეაბილიტაციის გამო გამზირი სრულად გადაიკეტება. კალაძე ამბობს, რომ ამას მოყვება დისკომფორტი და შეძღუდვები, მაგრამ იქვე აღნიშნა, რომ თუ გვინდა ქალაქი მოწესრიგებული იყოს, ეს უნდა "ავიტანოთ'.

"ამას [რეაბილიტაციას] თან მოყვება გარკვეული დისკომფორტი, რისთვისაც პირადად მე თბილისელებს ვუხდი ბოდიშს, რადგან გარკვეული შეზღუდვები, გარკვეული დისკომფორტი იქნება. მაგრამ ჩემო მეგობრებო, სხვანაირად შეუძლებელია საუბარი განახლებაზე, სხვანაირად შეუძლებელია ფიქრი წარმატებაზე, წინსვლაზე. ყველას მოგვწონს, როდესაც ჩავდივართ ევროპულ ქალაქვში, თუ როგორ არის ინფრასტრუქტურა მოწესრიგებული და, რა თქმა უნდა, თუ გვინდა ჩვენც, რომ ჩვენი ქალაქი იყოს მოწესრიგებული, რა თქმა უნდა, ყველამ უნდა ავიტანოთ ის გარკვეული დისკომფორტი და შეზღუდვები რომელიც იქნება.

ეს ქალაქი მარტო ჩემი არ არის, ან თბილისის მთავრობის წევრების, ყველას ქალაქია. ის რაც კეთდება, კეთდება ჩვენი ქალაქისთვის, ჩვენი შვილებისთვის. თუ გარკვეული დისკომფორტი იქნა, აუცილებლად მოგვიწევს ამის ატანა, სხვანაირად შეუძლებელია. თუ მასწავლით, როგორ შეიძლება, ისე გავნახორციელოთ სამუშაოები, რომ შეზღუდვები არ იყოს, გზის ჩაკეტვა არ მოგვიწიოს დიდი სიამოვნებით მივიღებთ ამ რჩევებს", —თქვა კალაძემ თბილისის მთავრობის სხდომაზე.

ქალაქის მერმა ისაუბრა, რომ რეაბილიტაციის ფარგლებში მიწისქვეშა კომუნიკაციასც მოწესრიგდება.

"სამუშაოების დაწყების თარიღად განისაზღვა 15 ივნისი. ეს გადაწყვეტილება მიღებული იქნა, რადგან სწავლა დასრულებული იქნება, ბევრი ადამიანი გადის ქალაქიდან და ეს კიდევ შეამსუბუქებს ქალაქში გადაადგილებას. მოგვიწევს ამ ქუჩის სრული ჩაკეტვა, იმისათვის რომ მოხდეს, პირველ რიგში მიწისქვეშა კომუნიკაციების მოწესრიგება, განახლება. იმიტომ რომ არის უმძიმეს მდგომარეობაში. კრიტიკას ვერ უძლებს არსებული მიწისქვეშა კომუნიკაციები", — თავა მან.