გერმანიის ერთ-ერთ სკოლაში მოსწავლეებმა ბიოლოგიის გაკვეთილების განუყოფელი ნაწილი — უცნობი ქალის ჩონჩხი გაწეული სამსახურისთვის პატივით დაასაფლავეს. ჩონჩხი პროტესტანტულ სასაფლაოზე დაკრძალეს, მის კუბოზე კი სხვადასხვა რელიგიის შესაბამისი სიმბოლოები იყო გამოსახული.

უცნობი ქალის ჩონჩხი სკოლაში 1952 წლიდან "მუშაობდა", თუმცა ის მოგვიანებით პლასტმასის ჩონჩხით ჩაანაცვლეს. ჩონჩხს ან ბიენი ერქვა, რაც ვიეტნამურ ენაზე "იდუმალ სიმშვიდეს" ნიშნავს. სკოლამ დნმ-ის ნიმუშები გააგზავნა, რათა ქალის ვინაობა დაადგინოს.

აშშ-ის ბევრ სკოლასა და უნივერსიტეტში ანატომიის შესასწავლად ნამდვილი ადამიანების ჩონჩხს იყენებდნენ. მათი პლასტმასის მოდელით ჩანაცვლება კი 30-40 წლის წინ დაიწყეს. გარდაცვლილი ადამიანების ჩონჩხის გამოყენებას სპეციალური სამართლებრივი აქტი არეგულირებს.