ვიდეო, რომელშიც ანა ვინტურს პირადობის დამადასტურებელ მოწმობას სთხოვენ, ვირუსულად გავრცელდა. ამის მიზეზი კი Vogue-ის ამ გავლენიანი რედაქტორის რეაქციაა, რომელიც მაშინვე The Devil Wears Prada-ს ანტაგონისტს, მირანდა პრისლის მიამსგავსეს.

ანა ვინტური გასულ ორშაბათს ნიუ-იორკის თეატრში სპექტაკლს, სახელწოდებით Oh God, A Show About Abortion-ს, დაესწრო. თუმცა თეატრში შესასვლელად ანა ვინტურს პირადობის დამადასტურებელი დოკუმენტის წარდგენა მოსთხოვეს.

კადრებში ჩანს, რომ, როცა ანა ვინტურს ვაქცინაციის სტატუსის დადასტურება მოსთხოვეს, მას სახეზე უკმაყოფილება არ ეტყობა. თუმცა, როცა უკვე პირადობის მოწმობის წარმოდგენა სთხოვეს, მან გაოგნებული სახით შეხედა ჯანდაცვის თანამშრომელს და მხრები აიჩეჩა, შემდეგ კი გაიღიმა და თეატრშიც შევიდა.

@pagesix

Please bore someone else with your…questions. 👠

♬ original sound - the hotties

ვინტური მოდის სამყაროში უკლებლივ ყველასთვის ნაცნობი სახეა, მისი სტილი კი, თუნდაც ვარცხნილობა და შავი სათვალეები, მისი პერსონის სავიზიტო ბარათი და განუყოფელი ნაწილია. ამიტომაც, ალბათ, როგორც შეჩვეულია ხოლმე, ამჯერადაც ელოდა, რომ მარტივად იცნობდნენ მას და გადამოწმება საჭირო აღარ გახდებოდა.

ვიდეოს კომენტარების მიხედვით თუ ვიმსჯელებთ, ანა ვინტურის რეაქციაზე ბევრმა იხალისა და ამ ფაქტმა არაერთ მნახველს ეშმაკს აცვია პრადა მოაგონა, რომლის ანტაგონისტიც სწორედ ანა ვინტურის შთაგონებით შეიქმნა.

ფოტო: Gifer