ამერიკელმა მგზავრმა, რომელსაც თვითმფრინავის მართვის გამოცდილება არასდროს ჰქონია, უსაფრთხოდ დაშვება შეძლო. ამის საჭიროება მას შემდეგ გაჩნდა, რაც პილოტი შეუძლოდ გახდა და მართვა აღარ შეეძლო. მგზავრები, რომლებიც თვითმფრინავ Cessna 208-ში იმყოფებოდნენ, ამბობენ, რომ მათ პილოტს მოულოდნელად სამედიცინო დახმარება დასჭირდა.

"რთულ სიტუაციაში აღმოვჩნდი, ჩემი პილოტი ცუდად გახდა და მე წარმოდგენა არ მქონდა, თუ როგორ უნდა მემართა თვითმფრინავი", — განაცხადა მგზავრმა. ამ დროს თვითმფრინავს საჰაერო მოძრაობის მეთვალყურე დაუკავშირდა და მგზავრს პოზიციის შესახებ ჰკითხა, მან კი უპასუხა, რომ სანაპიროს ხედავდა.

მგზავრმა მითითებების მიხედვით იმოქმედა და პირველ ეტაპზე საჰაერო მოძრაობის მეთვალყურემ თვითმფრინავის ადგილმდებარეობა დაადგინა. შემდეგ კი მგზავრს თვითმფრინავის მართვაში დისტანციურად დაეხმარნენ. მგზავრმა ყველაფერი მითითებების მიხედვით გააკეთა და მიწას ნელი ტემპით მიუახლოვდა.

ვიდეოში ჩანს, რომ მგზავრმა თვითმფრინავი ნელი ტემპით დასვა. ამის პარალელურად კი საჰაერო მოძრაობის მეთვალყურისგან ქება ისმოდა, რასაც სხვა პილოტებიც შეუერთდნენ. "რამდენიმე მგზავრი თვითმფრინავით თავად დაეშვა და თქვენ ამას შეესწარით", — ამბობს საჰაერო მოძრაობის მეთვალყურე ჩანაწერში.