ამერიკის შეერთებული შტატების პრეზიდენტი, ჯო ბაიდენი უკრაინის ლენდ-ლიზის აქტს ხელს 9 მაისს მოაწერს. ამის შესახებ თეთრი სახლის სპიკერმა, ჯენ ფსაკმა განაცხადა.

კანონპროექტი აშშ-ის წარმომადგენელთა პალატამ 29 აპრილის დაამტკიცა. მას 417 მომხრე და 10 მოწინააღმდეგე ჰყავდა. იქამდე უკრაინის დემოკრატიის დაცვის ლენდ-ლიზის 2022 წლის აქტის მიღებას მხარი სენატმა 7 აპრილს დაუჭირა.

ეს აქტი მეორე მსოფლიო ომის დროს იყო გამოყენებული და ახლა, მისი კანონად ქცევის შემთხვევაში, პრეზიდენტ ჯო ბაიდენის ადმინისტრაციას საშუალება ექნება, უკრაინას შეიარაღება და სხვა მარაგები უფრო მარტივად და სწრაფად მიაწოდოს.