უკრაინის უსაფრთხოების სამსახურის ცნობით, ხარკოვში სპეცოპერაციის დროს 11 რუსი სნაიპერი დაატყვევეს. მათი თქმით, ტყვეები მაშინ აიყვანეს, როცა საოკუპაციო ძალები უკრაინის პოზიციებს ესროდნენ.

რაც შეეხება ხმელნიცკის ოლქს, უკრაინის ცნობით, სამხედრო კონტრდაზვერვამ გაანეიტრალა სამი ადამიანი, რომლებიც რეგიონში დივერსიას გეგმავდნენ. მათივე განცხადებით, ჟიტომირის ოლქში დააკავეს რუსეთის სპეცსამსახურების აგენტი, რომელიც უკრაინის შეიარაღებული ძალების თვითმფრინავების რაოდენობისა და საბრძოლო მზადყოფნის შესახებ აგროვებდა ცნობებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში