უკრაინის შეიარაღებული ძალების მთავარსარდალმა, ვალერი ზალუჟნიმ განაცხადა, რომ ხარკოვისა და იზიუმის რაიონებში კონტრშეტევაზე გადავიდნენ. ამის შესახებ ინფორმაცია მან ამერიკელ კოლეგას გაუზიარა.

ზალუჟნის თქმით, წარმატებით უმკლავდებიან ყველა გამოწვევას ახალი იარაღისა და აღჭურვილობის დახმარებით. როგორც ის ამბობს, დღეს უკრაინელი სამხედროები არამხოლოდ ინტენსიურად სწავლობენ NATO-ს იარაღის გამოყენებას და შენარჩუნებას, არამედ თავიანთ საბრძოლო გამოცდილებას პარტნიორებს უზიარებენ.