ცენტრალური და აღმოსავლეთ ევროპის ფილმების საერთაშორისო ფესტივალი goEast დღეს ქართველი კინოსთვის მნიშვნელოვანი გამარჯვებით დასრულდა.

ნანა ექვთიმიშვილმა და სიმონ გროსმა ახალი ფილმით ჩემი ბედნიერი ოჯახი საუკეთესო რეჟისორების ნომინაციაში გაიმარჯვეს და ჯილდოსთან ერთად პრიზის სახით €7 500 გადაეცემათ.

ამავე ფესტივალის გამარჯვებული გახდა რატი ონელის დოკუმენტური ფილმი "მზის ქალაქი", რომელსაც კულტურული მრავალფეროვნების ფედერალური უწყების ჯილდოსთან ერთად პრიზის სახლით €4 ათასი გადაეცა.

აღსანიშნავია, ნანა ექვთიმიშვილისა და სიმონ გროსის ფილმი ჩემი ბედნიერი ოჯახი ფესტივალზე საერთაშორისო კინოკრიტიკოსთა რჩეულიც გახდა.

ფესტივალის განმავლობაში კი არაერთი დადებითი რეცენზიეაც დაუწერა.

მაგალითად გერმანელი კრიტიკოსი თომას რობაკი აღფრთოვანებულია ია შუღლიაშვილის თამაშით.

"ია შუღლიაშვილი ბრწყინვალედ ასრულებს მანანას როლს, საოცარი სიღრმითა და სიზუსტით.“ - წერს ტომასი.

მანანას პერსონაჟზე წერს იმელ გლიზერიც.

"როცა მანანა ხეებს უყურებს, აივნიდან, საკუთარი მარტოობისა და სიჩუმის ციხესიმაგრეში მყოფი... ჟრუანტელი გივლის."

"მანანა - ცოლი და დედა. აქვს კი მას უფლება ამავდროულად იყოს ქალი, მასწავლებელი, მუსიკოსი ან უბრალოდ მეგობარი? რამდენი განსხვავებული სახე შეუძლია რომ ქალს ჰქონდეს?" - წერს კინოკრიტიკოსი ბრიტა როშჩი.

ჩემი ბედნიერი ოჯახის შესახებ საკუთარ მოსაზრებას მკითხველს ივანა მიტრიციც სთავაზობს.

"შეიძლება ის კამასა და ცერეცოს ერთმანეთისაგან ვერ არჩევს, მაგრამ ის ერთ დღეს პომიდვრის ღივებს გაახარებს და ცხოვრებას ახლიდან დაიწყებს. საკუთარ ბაღს იპოვის, საკუთარი ნუშის ხისათვის."

"რაც ფილმის ბოლოს მრჩება, ეს არის საოცარი კინოგამოცდილება, თავისი ჩამწვდომი ექოთი, ჩემს საკუთარ ოჯახს რომ მახსენებს.", - წერს ანდან ზეილანი.