უკრაინის გენერალურმა პროკურორის, ირინა ვენედიქტოვას განაცხადებით, უკრაინა ოკუპანტების მიერ ჩადენილი ომის დანაშაულის 9 158 ომის დანაშაულის საქმეს იძიებს.

"ჩვენ უკვე დავადგინეთ კონკრეტული ომის დამნაშავეები. მაგალითად, კიევის ოლქში 15 ადამიანია, მათგან 10 ბუჩაში. მათ პასუხს ვაგებინებთ წამების, გაუპატიურებისა და ძარცვისთვის", — აცხადებს ის.

როგორც CNN წერს, ვენედიქტოვამ აღნიშნა ისიც, რომ ზოგიერთი ცხედრის იდენტიფიცირება შეუძლებელია და დნმ-ის ნიმუშები გროვდება.

"სამწუხაროდ, გვაქვს საფუძველი ყოველდღიურად გავხსნათ ახალი საქმეები: მშვიდობიანი მოსახლეობის სიკვდილი, დაბომბვა, ჩვენი მოქალაქეების და ბავშვების დეპორტაცია ოკუპირებულ ტერიტორიებზე და აგრესორი სახელმწიფოს ტერიტორიაზე და ა.შ.", — ამბობს ვენედიქტოვა.

მან ისაუბრა, რომ უკრაინა იღებს საერთაშორისო დახმარებას გამოძიებაში. მისი თქმით, უკრაინაშია ექსპერტთა ჯგუფი საფრანგეთიდან და სლოვაკეთიდან. ასევე ელოდებიან ჯგუფს ლიეტუადან.