ამერიკის შეერთებული შტატების პრეზიდენტის, ჯო ბაიდენის განცხადებით, რუსეთი ენერგორესურსებს იარაღად იყენებს. ასე ეხმაურება ის რუსეთის მიერ ბულგარეთისა და პოლონეთისთვის აირის მიწოდების შეწყვეტას.

მისი თქმით, რუსეთის პრეტენზიების მიუხედავად, რომ ის მსოფლიოსთვის ენერგიის სანდო წყაროა, ეს გადაწყვეტილება სხვას აჩვენებს. აშშ-ის პრეზიდენტი ამბობს, რომ აშშ-მ შესაძლოა, მოკავშირეებთან ბულგარეთისა და პოლონეთისთვის გაზის მიწოდებაზე იმუშაოს.

ბულგარეთსა და პოლონეთს რუსეთმა გაზის მიწოდება 27 აპრილს შეუწყვიტა. ეს მას შემდეგ მოხდა, რაც რუსეთმა განაცხადა, რომ "არამეგობრულმა ქვეყნებმა" გაზის საფასურის გადახდა რუბლში უნდა დაიწყონ, რაზეც ბულგარეთმა და პოლონეთმა უარი თქვეს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში