ელისაბეთ II-ს 2022 წლის 21 აპრილს 96 წელი შეუსრულდა. დედოფლისთვის წლევანდელი დაბადების დღე იმითაც არის გამორჩეული, რომ ელიზაბეთ II-ის მონარქად ყოფნის 70 წელი ხდება. ამის აღსანიშნად კი ივნისში, როცა ელიზაბეთ II-ის დედოფლობის 70 წლისთავი ოფიციალურად აღინიშნება, მონარქს თავის ბარბის თოჯინას გადასცემენ.

დედოფლის ბარბის თოჯინა თეთრ კაბაშია გამოწყობილი, ხოლო თავზე იმ გვირგვინის მინიატიურული ვერსია აქვს, რომელიც ელისაბეთ II-ს საკუთარი ქორწილის დღეს ეკეთა. დედოფლის თოჯინა ლონდონის მაღაზიებში ივნისის დასაწყისში მას შემდეგ გაიყიდება, რაც ელიზაბეთ II-ის მონარქად ყოფნის 70 წლის იუბილეს ოფიციალურად აღნიშნავენ.

ფოტო: Reuters

ელისაბეთ II ბრიტანეთის სამეფო ტახზე 1952 წლის 6 თებერვალს ავიდა, როცა მისი მამა მეფე ჯორჯ VI გარდაიცვალა. ელისაბეთი II ბრიტანეთის ისტორიაში დღემდე იმ მონარქად რჩება, რომელიც ქვეყანას ყველაზე დიდი ხანი მართავს.

"მნიშვნელოვანია, რომ ბავშვებმა ადრეული ასაკიდან გაიცნონ ქალი ლიდერები, რომლებმაც მსოფლიოზე დიდი გავლენა მოახდინეს, ამისთვის კი ბარბის თოჯინას გამოშვება ერთ-ერთი კარგი საშუალებაა. ამ გზით ქალი ლიდერების მიღწევების შესახებ ბავშვები მეტს ისწავლიან, ხოლო სხვები გაიხსენებენ, თუ როგორი მნიშვნელოვანია ასეთი ქალების როლი ისტორიაში", - ამბობს ბრიტანელი ისტორიკოსი, ქეით უილიამსი.